2024 жылдың 29 қарашасында «Қазақстан Республикасының Ұлттық ғылым академиясы» РҚБ Академияның негізін қалаушы, көрнекті ғалым, академик Қаныш Сәтбаевтың туғанына 125 жыл толуына орай Салтанатты Жалпы жиналысын өткізді. Жалпы жиналысқа «ҚР ҰҒА» РҚБ-нің академиктері, Ғылыми-зерттеу институттарының ғылымдары мен шақырылған құрметті қонақтар, БАҚ өкілдері қатысты. Алқалы жиында Парламент Сенатының депутаты, «Халықаралық Сәтбаев қорының» қамқоршылар кеңесінің төрағасы, академик Алтынбек Нұхұлы, «ҚР ҰҒА» РҚБ пезидентінің бас кеңесшісі, Ш.Уәлиханов атындағы Тарих және этнология институтының Бас директоры, академик З.Е. Қабылдинов, М.Әуезов атындағы Әдебиет және өнер институтының директоры, академик К.І. Матыжанов, Д.А. Қонаев атындағы Тау-кен ісі институтының директоры, академик Н.С. Буктуков т.б. бір топ академиктер заңғар ғалымның Қазақстан ғылымына сіңірген еңбегі мен ғылыми шығармашылық жұмыстарына арнап баяндамалар жасалды. Жиын соңында Ғылымға сіңірген еңбектері үшін және академияның дамуына өз үлесін қосып келе жатқан бірқатар академиктерге марапаттар табыс етіліп, академиктер құрылғанына 78 жыл толған Қазақстан Республикасы Ұлттық ғылым академиясының және Қазақстан ғылымының даму жолдары туралы ҚР Премьер-Министріне Үндеуі қабылданды.