2024 жылдың 25 қараша күні «Қазақстан Республикасының Ұлттық ғылым академиясы» РҚБ мен Вьетнам ғылым және технологиялар академиясы Ғылыми ынтымақтастық туралы келісімге қол қойды. Аталған жиынға екі Академияның президенттері, вице-президенттері, кеңесшілері мен ҒЗИ директорлары қатысты. Екі Академия қол қойылған келісім аясында алдағы уақытта ғылымның әртүрлі салаларындағы ғылыми-зерттеу жұмыстарын жүзеге асыратын болады. Сондай-ақ ғылыми ұйымдар мен жекелеген ғалымдар арасындағы өзара тиімді байланыстар орнатылып, ғылыми-зерттеу жұмыстарының «Жол картасы» жасалынатын болады. Бұл қол қойылған келісім шарт екі ел арасындағы ынтымақтастықты одан әрі дамыта түсетіні сөзсіз. Қол қойылған келісім шарт негізінде төмендегі жұмыстар атқарылатын болады:

1. Жас ғалымдарға арналған мектептерді қоса алғанда, бірлескен ғылыми конференциялар, симпозиумдар және басқа да ғылыми іс-шараларды ұйымдастыру;

2.  Ғылыми және ғылыми-техникалық ақпараттармен алмасу;

3.  Екі елдің жас ғалымдары арасындағы өзара іс-қимылды дамытуға жәрдемдесу және т.б.

Қазіргі уақытта қос Академия Ғылым академияларының халықаралық қауымдастығының (МААН) мүшесі болып табылады.